Leeve Fehmaraner, leeve Plattdüütsch Frünn!
Düttmal find ji mal wat ganz anneres in de „Plattdüütsch Eck“. Ik bünn dor örst nu achterkam, wi wichte dat doch för uns all is. Mien Söhn hätt mi dat „bipuhlt“, wi man so seggt, un nu weet ik Bescheed! Mit uns Börgermeister heff ik uk all snackt. He meen, dat weer doch ganz nett, wenn dat mal op Platt wiedergeeven ward!
Ik meen dat mit de „Digitalisierung“ (Glasfaser ) is heel wichte för uns all! Dat is doch ganz fein wenn wi all mitmaakt! Söstig Prozent mütt bet ton 3o.6. dütt Johr ünnerschrieven! Sünst ward dat nix! So künnt wi doch alltosam veel Geld spoorn!
Mien Söhn un ik meent, dat weer een Katastroph för denn Toursimus un für de ganze Insel un uk för de Tokunft vun uns Kinner, wenn dat in de „Büx“ geiht.
Ick grööt jo vun Harten
Walter Mess ut Landkirchen
